Mochilas viaxeiras

 As mochilas viaxeiras son unha iniciativa integrada nas bibliotecas escolares de Galicia (dependentes da xunta de Galicia), enmarcada nos programas de lectura, que ten como obxectivo fomentar a lectura en familia, fortalecer o vínculo entre a escola e a familia e converter ás nenas/os en pequenos embaixadores da biblioteca nas súas casas.

Esta mochila inclúe unha selección de recursos escollidos polo centro; que este curso quixo incluír na súa escolla un libro sobre árbores. Co obxectivo de facer partícipes ás familias do noso proxecto "Árbores que dan Vida" enmarcado dentro do programa Voz Natura. 

Saída á Carballeira

 Como vén sendo costume na nosa escola, aproveitamos a chegada do outono e o bo tempo para vistar a Carballeira da Guía e observar de primeira man o paso desta estación tan fermosa, descubrindo os sinais, os cambios e os elementos da natureza que nos anuncian a súa chegada.

Horta das sete Lúas

Da horta á mesa (pan con tomate)

Limpeza da horta de verán e reparación dos bancais grazas ás familias da escola e ao noso conserxe

 

Samagostín

 A nosa escola encheuse de cabazas, disfraces e música para celebrar o final do verán e a chegada do outono. 

AS CABACIÑAS DECORADAS CON MATERIAL BIODEGRADABLE!!

Froitos. sementes, flores... na horta da escola.

 

Durante estes días de inicio do novo curso estivemos recollendo, observando, degustando ... algúns froitos e outros elementos naturais que atopamos na horta da nosa escola. Aproveitando a lectura deste conto poético que se pregunta que fai falta para facer algo tan sinxelo como unha mesa, falamos da madeira, das árbores, de sementes, froitos, flores... buscamos. cortamos, cheiramos, observamos e degustamos os froitos que atopamos na horta.

Cubiños de xeo!

A finais de curso fixemos unha proposta de experimentación con flores do patio. A actividade consistiu en recolectar as flores e metelas, xunto con auga en cubiteiras e metelas no conxelador. 

O día seguinte comprobamos que as flores estaban atrapadas e había que liberalas con auga e sal con moito mimo.

Qué ledicia poder experimentar coas flores e a auga!