Recollemos as fabas!

 A nosa hortiña estanos a agasallar esta tempada con fermosos vexetais cheos de vitaminas. E tempo de fabas! 

Tocou recollelas e despois debullalas con moita tesón, xa que e unha vaina moito máis dura que a dos chícharos. Que faremos con elas?

Facemos oco na horta!

Recollemos os chícharos, algunha cebola e patacas que estaban polo medio para facer oco os novos cultivos. Cal foi a nosa sorpresa cando descubrimos que dunha planta de pataca saen máis de un tubérculo.

Xa temos para unha boa tortilla de patacas con cebola e chícharos! 

Consumiña!

A pasada semana participamos no programa "Consumiña" que ofrece a  Xunta de Galicia, a través do Instituto Galego de Consumo e Competencia. 

Un conto enfocado para educación infantil para fomentar o consumo responsable e o coidado do medio ambiente a través de pequenas accións (uso de bolsas de tea en lugar de plástico, reciclaxe en cada contedor, antes de ir a mercar facer unha lista, mercar no comercio local libre de plástico,...).

Vuelapluma!

Vuela Pluma é un espectáculo de monicreques sobre o respecto á natureza. Conta a historia dun paxaro que despois de vivir toda a vida nunha gaiola, descobre a liberdade de voar.

Esta proposta escénica combina monicreques, música e moita poesía audiovisual, nun relato que pretende fomentar o respecto, a liberdade o crecemento persoal e a conexión co mundo natural.

A nosa nespereira!

Qué gran fortuna a nosa, de poder contar con arbores na escola que dan un froito con tanto sabor! Os nenos e nenas chega esta época e andan detrás de Cristian o noso conserxe para collelos. Da árbore para a boca, pero non sen antes traballar a motricidade fina sacándolle a pel.

Patrulla verde!

A Patrulla Verde do Monte da Guía xa está operativa. Estreamos os nosos chalecos con logo propio na saída a plantación que realizamos na contorna da Guía en colaboración coa Asociación Voces polo Litoral de Teis.

A finalidade desta patrulla e conciencialos na pertenza a un grupo/colectivo que loite polo coidado do medio no que vivimos e crear unha pegada de conciencia ecolóxica.

Man a man coa Asociación Voces polo Litoral de Teis!

O luns, 27 de abril, as nenas/os de 6º EI visitaron a Carballeira da Guía para colaborar coa asociación Voces polo Litoral na plantación de carballos, ruscos, sobreiras... na ladeira do monte, nunha labor de susbtitución de especies invasoras (eucalipto, acacias), por especies autóctonas.

Esta asociación veciñal con sede en Vigo dedícase a preservar, recuperar e limpar o litoral da parroquia de Teis e a súa contorna; potenciando a súa utilización libre, pública e gratuita.