A finais de curso fixemos unha proposta de experimentación con flores do patio. A actividade consistiu en recolectar as flores e metelas, xunto con auga en cubiteiras e metelas no conxelador.
O día seguinte comprobamos que as flores estaban atrapadas e había que liberalas con auga e sal con moito mimo.
Qué ledicia poder experimentar coas flores e a auga!
O 12 de xuño fomos o Museo do Mar a unha actividade chamada "Tesouros do mar". Os nenos e nenas mergulláronse na vida mariña e descubriron a gran biodiversidade que vive no fondo mariño.
Aproveitamos para ter unha xornada chea de aprendizaxe e diversión na praia da Mourisca.
Qué maravilla poder catar a froita propia, a que dan os nosos amorodos e e a nosa moreira. Qué sabor!
Os nenos e nenas de 5 anos están a investigar as árbores do noso patio.
Nun primeiro momento fixeron debuxo de observación no patio.
Despois na aula fixeron os chamados "Debuxos de néboa". Chamámolos así porque enriba dos debuxos feitos en carboncillo poñemos papel cebola enrriba para poñer os elementos e debuxar o que o neno ou nena considera que habita nesa árbore.
E por último, con barro e ramas fixeron as árbores en 3D.
No mes de xuño recibimos a visita de Jacobo (Amigas da Terra), para elaborar coas crianzas de 4º de Infantil tintes vexetais. Para a súa elaboración eleximos diferentes elementos que nos darán distintas cores: lombarda, espinacas, amorodos, cacao, café, cúrcuma, pimentón, carbón vexetal e flores; ademais precisamos papel de acuarela, pinceis, botes, coador, bicarbonato, sal, batidora etc.
As crianzas disfrutaron moitísimo do proceso de elaboración dos tintes e descubriron que podemos achegarmos á arte dun xeito respectuoso co medio.
Para despedir o curso escolar as nenas e nenos do Monte da Guía visitamos o Lago Castiñeiras co grupo Alados; esta asociación educativa medioambiental desenvolve programas de educación ambiental e educación ao aire libre en Galicia que fomenten o coñecemento e o vínculo afectivo das persoas coa natureza e favorecer así a relación respectuosa e sostible das mesmas coa súa contorna.
Neste paseo o obxectivo era que as crianzas aprenderan acerca da fauna e flora típica do bosque autóctono, os usos e valores. Descubrir animais, os rastros e sinais que deixan e como se relacionan entre eles así como a flora que conforma un bosque e os diferentes usos.
A raiz da contada a árbore da nosa escola puxemonos mans a obra para facer con barro e ramas a nosa propia.
Unha actividade de concienciación da importancia do coidado das árbores como tamén de aprendizaxe por parte dos cativos e cativos das partes que ten. Nas obras de artes podese apreciar como recrean o tronco, raices e diversidade de ramas.
