Comezamos!!

Un fermoso día para prantar acelgas e lembrar moitas cousas... ou descubrilas. Pero sempre paga a pena sentir esa chispiña de ilusión nos ollos : "imos facer algo moooi importante, quén se anima?" e a primeira tanda de entusiastas amosa pronta para sementar o que se lle poña por diante, regar ou arrincar malas herbas. E xa sabemos o que pasará nestes días: "profe, medraron!", "temos que regar amodiño,verdade?", "podemos levar á casa as verduriñas?" (ata quen non as proba,case certo o fará cando é o resultado do seu traballo) Amodiño imos dando pasiños...adiante sempre!

Another free picture collage by Smilebox

Reciclaxe Solidaria

Coa reciclaxe - "as 3R" (reducir,reutilizar,reciclar) tentamos facer un mundo mellor, adoptando hábitos de conduta que permitan disminuir ao máximo o impacto mediombiental, participar de forma activa na protección dos ecosistemas e colaborar na conservación do planeta.
Coa solidariedade da man,as nosas actuacións poden acadar unha dimensión a maiores : os tapóns, a roupa e/ou os móviles, que non precisamos poden axudar a moitas persoas. Deste xeito é ben doado que toda a comunidade educativa poda contribuír aportando o que xa non ten nas nosas casas "vida útil",verdade?


  Pois no Recunchiño Voz Natura atoparedes información dabondo !!

XVI ENCONTRO DA REDE GALEGA DE SEMENTES

XVI Encontro de Sementes. Redondela 2015 
 10:30 Apertura do mercado de produtoras
 11:00 Apertura da mesa de troco
 12:00 Experiencia agroecolóxica no Campo do Gerês e obradoiro de inxertíos. 12:00 Obradoiro de "nendo dango"  (boliñas de barro para a sementeira) para nenas e  nenos.
 14:00 Peche da mesa de troco e xantar popular.
 16:00 Apertura da mesa de troco.
 16:30 Mesa redonda sobre experiencias colectivas agroecolóxicas.            Asociación "Catro ponlas"            Sistema de participación de garantía "A Gavela".            Grupo de consumo "Des-pensa" do Val-Miñor.            Mercado social galego.
 18:00 Obradoiros de espantallos para nenas, nenos, nais e pais.
 18:30 Obradoiro de extración de sementes.
 19:00 Peche da mesa de troco de sementes. 
 20:00 Peche do mercado de produtoras.

E a primeira sesión do curso coas Abelliñas:" falamos dunha pipa?"

O percorrido dunha pipa dende que foi semente dos xirasóis ata a recolleita destes días foi todo un saco de opinións e preguntas na aula das abelliñas! será porque como tal son unhas expertas en frores? Observamos as cores das súas follas e pétalos, coloreamos, debullamos...e toca gardar as pipas ata que xa ben sequiñas, podamos facer o ansiado obradoiro.

Aulas 3R

Pasiños adiante : un xesto que non é tan sinxelo como aparenta, xa que é un compromiso para cada unha das xornadas que agardan, un convite para por na práctica unha actitude que se reforzará no día a día, en todas as aulas do noso Centro.

Primeira sesión VN na Aula dos Coelliños

Estivemos a lembrar o proceso dende que se prantaran as sementes ata as altísimas frores que tivemos, e falamos do que se podía facer con elas, xa ben sequiñas: pipas e gardar sementes. Así que comezamos a debullar as frores e logo a separar as pipas (sementes) para ir xuntando o que vai ser a materia prima do primeiro obradoiro de cociña: salgar e tostar. Quentando motores!!! e con forza para darlle un pulo ao compromiso con un proxecto que vai sendo eixo cotiá no noso Centro: VOZ NATURA - UN PASO ADIANTE!

A recolleita do día

Pechando o círculo

Fran, o noso conserxe, trouxo as sementes que tiveron o seu berce no Cole e que foron medrando ata facerse uns enormes e fermosísimos xirasóis: foron o asombro de cantas persoas chegaban ao noso Centro... e hoxe tocóu recollida para gardar e saborear tamén as súas renovadas sementes. Nestes días imos facer un pequeno obradoiro para salgar e tostar : xa vos contaremos qué tal vai a cousa...

Natureza xenerosa

Pese a pasar un largo verán sen os aloumiños de sempre, sen as mans pequerrechiñas fuchicando nela e sen as conversas ao seu carón e o bullicio do día a día...a nosa hortiña foi gardando os seus froitos para recibir aos nosos tegriñ@s como se merecen!
E a nogueira tamén quixo facer unha especial acollida, porque non damos feito a recoller noces!!
Algo haberá que facer,non si? pois estade ben alerta, porque xa sabedes que sempre estamos argallando cousiñas e os "MartesChef" van dar mooooito xogo...

This free picture slideshow customized with Smilebox

Desexando comezar: damos un paso adiante?

Sempre en verde!