O millo!

O inicio de curso, cando falamos cos nenos e nenas, do que queren plantar na "horta das 7 Lúas", unha das cousas que máis se repite é o MILLO. 

Será pola súa cor?

Pola forma alongada das mazarocas?

Será pola altura que alcanza a planta?

Polos  centos de milleiros que cada ano debullan?

O caso, é que lles explicamos que o millo necesita moita extensión de terra, da que carecemos na escola, pero que temos a sorte de que os pais dunha mestra si a teñen e nos fan partícipes de todo o proceso.

Esfollamos, debullamos, moemos, peneiramos, fixemos pan de millo... 

Ademáis, cunha cinta métrica comparamos a altura da planta coa de cada un de nos (traballando así a medida). Afinamos a motricidade fina coas texoiras cortando as follas da planta e observamos as diferencias (tamaño e cor) das mazarocas. Non hai ningunha igual!, coma a nosa realidade na aula.

Artísticamente falando o millo tamén lles atrae moito. Este ano pintamos coas mazarocas e cos carozos. Fixemos un cadro artístico coa nosa inicial e creamos libremente coa pasta blanca e os milleiros. Tivemos "Monstros", "Tartarugas", "Pelotas", "Gatos" e un sinfín de creacións.